काठमाडौँ । पूर्व प्रधानमन्त्री एवं एमाले अध्यक्ष केपी शर्मा ओलीको सुरक्षमा खटिएका सशस्त्र प्रहरी निरीक्षक उमेश थापाको निधन भएको छ । ओली निवास बालकोटको क्वाटरमा रहेका थापाको शनिबार बिहान निधन भएको हो ।
उनको भक्तपुर अस्पतालमा निधन भएको जनाइएको छ । ओली निवासमै थापाको निधन भयो वा अस्पतालमा भयो भन्नेबारे केही खुलाइएको छैन । सशस्त्र प्रहरी स्रोतका अनुसार थापाको शव पोस्टमार्टमका लागि त्रिवि शिक्षण अस्पताल महाराजगन्ज लगिएको छ । पोस्टमार्टम रिपोर्टपछि मृत्युको कारण खुल्ने सशस्त्र प्रहरीका एक अधिकारीले बताए ।
- Jigyasa media
