९ असोज, विराटनगर – यातायात व्यवस्था कार्यालय इटहरीबाट प्रहरीले नक्कली चिकित्सकसहित १७ जना बिचौलियालाई पक्राउ गरेको छ। बुधबार दिउँसो कार्यालय परिसरमै सञ्चालन गरिएको अपरेशनमा उनीहरूलाई नियन्त्रणमा लिइएको हो।
जिल्ला प्रशासन कार्यालय सुनसरीले जारी गरेको विज्ञप्तिअनुसार, अनुगमनका क्रममा आफूलाई डाक्टर भनेर चिनाउँदै आएका नक्कली चिकित्सकसहित बिचौलियाहरू पक्राउ परेका हुन्। उनीहरू विभिन्न गैरकानुनी गतिविधिमा संलग्न रहेको आरोपमा कानुनी कारबाहीको प्रक्रियामा रहेको सहायक प्रमुख जिल्ला अधिकारी वेदराज फुयाँलले जानकारी दिएका छन्।
हाल पक्राउ परेकाहरुलाई इलाका प्रहरी कार्यालय इटहरीमा राखेर थप अनुसन्धान भइरहेको छ।
- Jigyasa media
