काठमाडौं – सुनको भाउ तीन दिनदेखि स्थिर रहेको छ। सोमबार प्रतितोला ३०० रुपैयाँले घटेर १ लाख ५२ हजार रुपैयाँमा कारोबार भएको छापावाला सुन बुधबार पनि सोही मूल्यमा कारोबार भइरहेको छ।
नेपाल सुनचाँदी व्यवसायी महासंघका अनुसार बुधबार चाँदीको मूल्य भने केही वृद्धि भएको छ। मंगलबार प्रतितोला १ हजार ७५५ रुपैयाँमा कारोबार भएको चाँदी बुधबार २० रुपैयाँले बढेर १ हजार ७७५ रुपैयाँमा कारोबार भइरहेको छ।
नेपालमा सुनचाँदीको मूल्य निर्धारण अन्तर्राष्ट्रिय बजारमा हुने कारोबारको आधारमा गरिन्छ। बुधबारको अन्तर्राष्ट्रिय बजारमा प्रतिऔंस सुन २ हजार ४९५.४ डलरमा र चाँदी २८.०४ डलरमा कारोबार भइरहेको छ।
- Jigyasa media
