काठमाडौं । थाइल्याण्डको नयाँ प्रधानमन्त्रीमा ३७ वर्षकी पेतोङत्रान सिनावात्रा नियुक्त भएकी छन्। उनी अर्बपति तथा पूर्व प्रधानमन्त्री थाक्सिन सिनावात्राकी छोरी हुन्।
थाइल्याण्डको संवैधानिक अदालतले ३० साउनमा प्रधानमन्त्री स्रेथा थबिसिनलाई बर्खास्त गरेपछि सत्तारूढ फेउ थाइ दलले सिनावात्रालाई प्रधानमन्त्रीको उम्मेदवारका रूपमा अघि सारेको थियो।
सिनावात्रा परिवारबाट प्रधानमन्त्री बन्ने पेतोङत्रान तेस्रो व्यक्ति हुन्। उनका बुवा थाक्सिन र फुपु यिंगलक सिनावात्रा प्रधानमन्त्रीका रूपमा सेवा गरिसकेका छन्। पेतोङत्रान भने थाइल्याण्डको इतिहासमा सबैभन्दा कम उमेरकी प्रधानमन्त्री बनेकी छन्।
- Jigyasa media
