काठमाडौं – गोकर्णेश्वर नगरपालिका–१ सुन्दरीजलमा एक महिलाको हत्या आरोपमा दुई व्यक्तिलाई पक्राउ गरिएको छ। पक्राउ पर्नेमा सर्लाहीका ४० वर्षीय रामविनय महरा र २४ वर्षीय सन्तोष राम महरा रहेका छन्।
प्रहरीले बिहीबार सुन्दरीजलमा ढुंगाको चेपमा महिलाको शव शंकास्पद अवस्थामा फेला पारेपछि अनुसन्धान थालेको थियो। प्रारम्भिक जानकारी अनुसार, ती महिला मजदूरी गरेर गुजारा चलाउने सिराहाकी राम दुलारी भएको प्रहरीको भनाइ छ।
अनुसन्धानका क्रममा प्राविधिक र मानवीय सूचनाको आधारमा शनिबार बसुन्धारा क्षेत्रबाट दुबैलाई पक्राउ गरिएको प्रहरीले जनाएको छ। यद्यपि, मृतकको परिवार हालसम्म सम्पर्कमा आएको छैन।
प्रारम्भिक अनुसन्धानमा प्रेम सम्बन्धकै कारण हत्या भएको हुनसक्ने आशंका गरिए पनि थप अनुसन्धान जारी रहेको छ।
- Jigyasa media
