६ पुस, काठमाडौं। आज देशभर मौसममा परिवर्तन हुँदै पूर्वी नेपालका केही भागमा वर्षा र हिमपात हुने सम्भावना रहेको मौसमविद्ले जनाएका छन्।
जल तथा मौसम विज्ञान विभागको मौसम पूर्वानुमान महाशाखाका अनुसार कोशी प्रदेशका हिमाली क्षेत्रहरूमा आंशिक बदली हुने र केही स्थानमा हल्का वर्षा तथा हिमपातको सम्भावना रहेको छ।
रातिको समयमा पनि हिमाली क्षेत्रका एक-दुई स्थानमा फाटफुटदेखि हल्का हिमपात हुन सक्ने विभागले जानकारी दिएको छ।
त्यस्तै, बागमती, गण्डकी र सुदूरपश्चिम प्रदेशका पहाडी तथा हिमाली भूभागमा आंशिक बदली रहने अनुमान गरिएको छ। तर, तराई क्षेत्रको मौसम भने मुख्यतया सफा रहने सम्भावना रहेको बताइएको छ।
यसैबीच, बिहानको समयमा तराई र काठमाडौं उपत्यकाका केही स्थानहरूमा हुस्सु र कुहिरो लागेको छ। यो अवस्था दिन चढ्दै विस्तारै हट्ने अनुमान गरिएको छ।
- Jigyasa media
