काठमाडौं – सर्वोच्च अदालतका लागि दुईजना न्यायाधीशको नाम सिफारिस गरिएको छ। शुक्रबार न्याय परिषद् बैठकले उच्च अदालत पाटनका मुख्य न्यायाधीश नृपध्वज निरौला र उच्च अदालत तुलसीपुरका मुख्य न्यायाधीश नित्यानन्द पाण्डेलाई सर्वोच्च अदालतका न्यायाधीशमा नियुक्त गर्न सिफारिस गरेको हो।
यद्यपि, सर्वोच्च अदालतका लागि ६ जना न्यायाधीश नियुक्ति गर्ने भनिएकोमा, केही विवादका कारण आजको बैठकमा दुईजनाको मात्र नाम सिफारिस भएको छ। बैठकको समयमा नेपाल बार एसोसिएसनले न्याय परिषद् परिसरमा धर्ना दिएको थियो। बारले न्याय परिषद् नियमावली संशोधनको माग गर्दै निरन्तर दबाब दिँदै आएको छ।
यस सिफारिससँगै न्याय परिषद्ले न्यायाधीश नियुक्तिको प्रक्रिया अघि बढाएको छ, तर बाँकी चारजना न्यायाधीशको सिफारिस सम्बन्धी निर्णयका लागि अझै समय लाग्ने देखिएको छ।
- Jigyasa media
