जेनजी प्रदर्शनमा ‘अत्यधिक बल प्रयोग’– एम्नेस्टीको कडा टिप्पणी : “सरकारको कदम मानव जीवनप्रति निष्ठुर बेवास्ता” -- Jigyasanepal

जेनजी प्रदर्शनमा ‘अत्यधिक बल प्रयोग’– एम्नेस्टीको कडा टिप्पणी : “सरकारको कदम मानव जीवनप्रति निष्ठुर बेवास्ता”

९ महिना अघि | २३ मंसिर २०८२, मङ्लबार

काठमाडौँ — गत भदौ २३ र २४ गते देशभर उग्र रूपमा फैलिएको ‘जेनजी’ आन्दोलन नियन्त्रणका क्रममा सरकारले गरेको बल प्रयोग अत्यधिक, निष्ठुर र अन्तरराष्ट्रिय मानवअधिकार मापदण्डविपरीत भएको एम्नेस्टी इन्टरनेसनलले तिखो आलोचना गर्दै विस्तृत प्रतिवेदन सार्वजनिक गरेको छ।

सोमबार काठमाडौँमा प्रतिवेदन सार्वजनिक गर्दै एम्नेस्टी इन्टरनेसनल नेपालका निर्देशक निराजन थपलियाले शान्तिपूर्ण भेला भएकामाथि सरकार र सुरक्षा निकायले देखाएको व्यवहारलाई “मानव जीवनप्रति गरिएको निष्ठुर बेवास्ता” भन्दै कडा टिप्पणी गरे।

उनले पद–प्रतिष्ठाको प्रवाह बिना जिम्मेवार सबैलाई निष्पक्ष प्रक्रियामार्फत कारबाहीमा ल्याउन राज्यलाई आग्रह गरे।

🔴 अत्यधिक बल प्रयोग, गैरकानुनी हत्या र मानवअधिकार उल्लङ्घन

एम्नेस्टीको प्रतिवेदनले जेनजी आन्दोलन नियन्त्रणका क्रममा सुरक्षा निकायद्वारा अत्यधिक बल प्रयोग,

गैरकानुनी हत्या,

अत्यधिक बल प्रयोगबाट भएका गम्भीर घाइते,

अधिकार हननका विभिन्न रूप

स्पष्ट देखिएको उल्लेख गरेको छ ।

प्रतिवेदनका अनुसार

भदौ २३ गते मात्र काठमाडौँमा कम्तीमा १९ जनाको मृत्यु

३०० भन्दा बढी घाइते

त्यसपछिका देशव्यापी अशान्तिमा ७६ जनाको मृत्यु

२ हजारभन्दा बढी घाइते भएका तथ्य उजागर गरिएको छ।