म्याग्दी । मालिका गाउँपालिका-३ डाँडागाउँमा एक महिलाको धारिलो हतियार प्रहार गरी हत्या भएको छ। गएराति ३५ वर्षीय दलवीर श्रीपालीले ४३ वर्षीया बिनाकुमारी विकको हत्या गरेको जिल्ला प्रहरी कार्यालय म्याग्दीले जनाएको छ।
प्रहरी निरीक्षक राजन रायमाझीका अनुसार इलाका प्रहरी कार्यालय दरवाङबाट खटिएको टोलीले आरोपी दलवीरलाई खतेन गाउँबाट राति नै पक्राउ गरेको छ। घटनास्थलमा बन्चरो, दाउ, र हँसिया फेला परेका छन्, जसले हत्या भएको पुष्टि गर्छ।
वडाध्यक्ष मोतिप्रसाद बुढाका अनुसार दलवीर र बिनाकुमारीबीच नाताले दिदीभाइ पर्ने भए पनि केही समयअघिदेखि जग्गा किनबेचको विवाद चलिरहेको थियो। हाल प्रहरीले थप अनुसन्धान जारी राखेको छ।
- Jigyasa media
