नवलपरासी पश्चिम, भदौ २४ - आइतबार राति सुनवलमा भएको मोटरसाइकल दुर्घटनामा एक युवकको ज्यान गएको छ।
सुनवल नगरपालिका-१२ फरौली र रामग्राम नगरपालिका-११ को सिमानास्थित भित्री सडकमा लु १७ प ८७८८ नम्बरको मोटरसाइकल दुर्घटनामा परेर २६ वर्षीय रामनाथ कंवरको मृत्यु भएको हो। उनी सुनवल-९ स्वाठीका स्थानीय बासिन्दा हुन्।
दुर्घटनामा गम्भीर घाइते भएका कंवरलाई तत्काल अस्पताल पुर्याइए पनि उपचारका क्रममा उनको ज्यान गएको प्रहरीले जानकारी दिएको छ। कंवरको शव पोष्टमार्टमका लागि परासी अस्पतालमा राखिएको छ।
- Jigyasa media
