काठमाडौं । आज मंगलबार देशभर मौसम सामान्यतया बदली रहने मौसम पूर्वानुमान महाशाखाले जनाएको छ। कोशी, बागमती, गण्डकी, र लुम्बिनी प्रदेशका केही स्थानहरूमा र बाँकी प्रदेशका थोरै स्थानहरूमा मेघ गर्जन र चट्याङसहित हल्कादेखि मध्यम वर्षा हुने सम्भावना छ।
त्यसैगरी, कोशी, बागमती, गण्डकी, कर्णाली, र लुम्बिनी प्रदेशका एक-दुई स्थानमा भारी वर्षाको पनि सम्भावना रहेको छ।
मंगलबार राति पनि देशभर मौसम बदली रहने र विभिन्न प्रदेशहरूमा मेघ गर्जन र चट्याङसहित वर्षा हुने सम्भावना छ। भारी वर्षाको चेतावनी खासगरी कोशी, मधेश, बागमती, र गण्डकी प्रदेशका केही स्थानमा दिइएको छ।
मौसमविद्हरूले जनसाधारणलाई सतर्क रहन आग्रह गर्दै भारी वर्षाका कारण हुन सक्ने विपद्बाट बच्न आवश्यक सावधानी अपनाउन सुझाव दिएका छन्।
- Jigyasa media
