पाल्पा । रामपुर नगरपालिका–३ बगाहा–सीताकुण्ड सडकखण्डमा ६५ वर्षीया सुकमाया गिरी सारु मृत अवस्थामा फेला परेकी छिन्।
शनिबार साँझ करिब साढे ५ बजे सडकको नालीमा अचेत अवस्थामा भेटिएकी उनलाई तत्काल उपचारका लागि रामपुर अस्पताल लगिएको थियो। तर, चिकित्सकले उनलाई मृत घोषित गरेका हुन्। मृतक महिला स्थानीय डिलबहादुर सारुकी श्रीमती भएको प्रहरीले पुष्टि गरेको छ।
अनुसन्धान जारी
घटनाको थप कारण पत्ता लगाउन जिल्ला प्रहरी कार्यालय पाल्पाले अनुसन्धान अघि बढाएको छ। सूचना अधिकारी सुनिल मल्लका अनुसार प्रारम्भिक अनुसन्धानका लागि प्रहरीले केही व्यक्तिसँग सोधपुछ गरिरहेको छ।
सतर्कता
स्थानियहरुलाई यस्ता घटनाप्रति संवेदनशील रहन र शंकास्पद गतिविधिहरुबारे प्रहरीलाई जानकारी गराउन आग्रह गरिएको छ।
यस सम्बन्थधी थप जानकारी आउनासाथ समाचार अद्यावधिक गरिनेछ।
- Jigyasa media
