काठमाण्डौ ।
आज देशभर आंशिकदेखि सामान्य बदली रहनेछ। देशका विभिन्न भूभागमा मौसममा फरक फरक प्रभाव देखिनेछ।
पहाडी क्षेत्रहरूमा: दिउँसो र बेलुकीतिर सामान्य बदली रहनेछ। विशेषगरी मध्य र पूर्वी पहाडी भूभागमा हल्का वर्षा हुन सक्ने सम्भावना रहेको छ। पहाडी भू-भागमा हावाहुरीसँगै छोटो समयका लागि मेघ गर्जनको सम्भावना पनि रहेको छ।
तराई क्षेत्रहरूमा: बिहानपख मौसम सफा रहने भए पनि दिउँसोपछि हल्का बदलीको सम्भावना रहेको छ। तराईका पश्चिमी भागमा भने केही ठाउँहरूमा आंशिक वर्षा हुन सक्ने अनुमान गरिएको छ।
पूर्वी नेपाल: आंशिकदेखि सामान्य बदली हुने सम्भावना छ। केही स्थानमा हल्का वर्षा पनि हुन सक्छ। उच्च पहाडी र हिमाली क्षेत्रमा मौसम सफा रहने अनुमान छ।
पश्चिमी नेपाल: बिहान सामान्यतया सफा रहने भए पनि दिउँसोतिर मौसम बदली हुनेछ। उच्च पहाडी क्षेत्रमा हल्का हिमपातको सम्भावना पनि रहेको छ।
तापक्रम:काठमाडौं उपत्यकामा आजको अधिकतम तापक्रम २५ डिग्री सेल्सियस र न्यूनतम तापक्रम १६ डिग्री सेल्सियसको हाराहारीमा रहने अनुमान छ।
तराई क्षेत्रमा तापक्रम तुलनात्मक रूपमा बढी रहनेछ, विशेष गरी पूर्वी र पश्चिमी तराईमा अधिकतम तापक्रम ३२ डिग्री सेल्सियससम्म पुग्न सक्नेछ।
चेतावनी:
पहाडी र तराई क्षेत्रहरूमा हावाहुरी र मेघ गर्जनको सम्भावना भएकाले यात्रा गर्दा सावधानी अपनाउनुहोला।
पहाडी भू-भागमा बाढी र पहिरोको जोखिम हुने स्थानहरूमा सचेत रहन सल्लाह दिइएको छ।
मौसममा अचानक परिवर्तन हुन सक्ने भएकाले थप जानकारीका लागि नजिकको मौसम कार्यालय वा स्थानीय प्रशासनसँग सम्पर्क गर्नुहोला।
शुभ दिन।।
- Jigyasa media
