मोरङ – मिक्लाजुङ गाउँपालिकामा मंगलबार राति चट्याङ लागेर एक व्यक्तिको मृत्यु भएको छ। मोरङ प्रहरीका अनुसार झापा दमक नगरपालिका–४ का ३६ वर्षीय कुमार मोतेको घटनास्थलमै निधन भएको हो।
मोते मिक्लाजुङ गाउँपालिका–३ स्थित भक्तबहादुर नेपालीको घर निर्माणका लागि त्यहाँ आएका थिए। घरको भान्सा कोठाको अगाडि उभिइरहेका बेला राति १० बजे परेको चट्याङले उनलाई अचेत बनाएको प्रहरी प्रवक्ता डीएसपी ज्ञानेन्द्रबहादुर बस्नेतले जानकारी दिएका छन्।
घटनापछि तत्कालै मोतेलाई दमक अस्पताल लगिएको थियो, जहाँ चिकित्सकले उनलाई मृत घोषित गरे।
- Jigyasa media
