बझाङ, असोज ३, २०८१ – बझाङको खप्तडछान्ना गाउँपालिका-६ मा आयोजना भइरहेको धार्मिक मेला सैन्डाँडामा एकजना व्यक्ति मृत फेला परेका छन्। मृतक बाजुराको खप्तडछेडेदह गाउँपालिका-२ जयबागेश्वरी निवासी ५५ वर्षीय भवि कटुवाल रहेको जिल्ला प्रहरी कार्यालय बझाङले जानकारी दिएको छ।
कटुवाललाई आज दिउँसो ४ बजे मेलास्थल नजिकै बाटोको छेउमा अचेत अवस्थामा फेला पारिएको थियो। उनलाई तुरुन्तै बझाङ जिल्ला अस्पताल ल्याइए पनि अस्पतालले मृत घोषणा गरेको हो।
कटुवाल हिजो आफ्नो घरबाट मेला हेर्न आएका थिए। अहिले घटनाबारे थप अनुसन्धान भइरहेको प्रहरी सूचना अधिकारी किशोर जोशीले जानकारी दिए। मृत्युको कारण भने हालसम्म खुल्न सकेकोछैन।
- Jigyasa media
