काठमाडौं, भदौ १५ । ललितपुरमा लागुऔषधसहित दुई युवकलाई प्रहरीले पक्राउ गरेको छ। पक्राउ पर्नेमा मकवानपुरका ३० वर्षीय सुजनसिंह ठकुरी र रामेछापका ३० वर्षीय बिन्दा तामाङ रहेका छन्, जो हाल ललितपुर महानगरपालिका-२५ नख्खु र बल्खुमा बस्दै आएका थिए।
प्रहरीको विशेष टोलीले नख्खुबाट उनीहरूको साथबाट १९० थान नुर्फिन, १९० थान फेनारन, १९० थान डाइजपाम, र ६६ थान प्रयोग भएका तथा नभएका ट्रामाडोल सिरिन्ज बरामद गरेको छ। पक्राउ परेका युवकले प्रयोग गरेको एक मोटरसाइकल पनि प्रहरीले नियन्त्रणमा लिएको छ।
प्रहरीका अनुसार, यी युवकहरू लागुऔषधको प्रयोगकर्ता मात्र नभई तस्करीमा पनि संलग्न रहेको अनुमान गरिएको छ। थप अनुसन्धानका लागि उनीहरूलाई हिरासतमा राखिएको प्रहरीले जानकारी दिएको छ।
- Jigyasa media
