काठमाडौँ, १४ कात्तिक – गृह मन्त्रालय र निर्मला कुर्मी प्रकरणमा न्याय माग्दै आन्दोलनरत रुबी खान नेतृत्वको समूहबीचव हिजो मंगलबार तीन बुँदे सम्झौतासहित आन्दोलन स्थगित भएको छ। गृह मन्त्रालयका उपसचिव दिलकुमार तामाङ र रुबी खानले सहमति पत्रमा हस्ताक्षर गरेपछि आज साँझ माइतीघर मण्डलामा गरिएको अन्तिम वार्तामा सम्झौता टुंगिएको हो।
सम्झौतामा तीन मुख्य बुँदाहरू रहेका छन्। पहिलो बुँदामा निर्मला कुर्मीको अपहरण, शरीर बन्धक, र हत्या जस्ता गम्भीर आरोपमा दर्ता जाहेरीको अनुसन्धान अघि बढाउन बाँके जिल्ला प्रहरीलाई निर्देशन दिने उल्लेख छ। यस क्रममा अनुसन्धानमा संलग्न प्रहरी अधिकारीहरूलाई नेपाल प्रहरी प्रधान कार्यालयबाट तत्कालै खटाइने निर्णय गरिएको छ।
दोस्रो बुँदामा रुबी खानसहित आन्दोलनरत पक्ष र उनीहरूको परिवारको सुरक्षा व्यवस्था मजबुत बनाउन नेपाल प्रहरी र बाँके जिल्ला प्रशासनलाई निर्देशन दिने सम्झौतामा उल्लेख छ।
- Jigyasa media
