काठमाडौं ।
देशभर मनसुन सक्रिय भई असोज १७ देखि २० गतेसम्म अत्यधिक वर्षा हुने पूर्वानुमान जल तथा मौसम विज्ञान विभागले जारी गरेपछि सडक विभागले उच्च सतर्कता अपनाउन आग्रह गरेको छ।
विभागका अनुसार नागढुंगा–मुग्लिङ, मुग्लिङ–नारायणगढ, बी.पी. राजमार्ग, अरनिको राजमार्ग, गल्छी–स्याफ्रुबेसी–रसुवागढी, त्रिभुवन राजपथ, र नारायणगढ–बुटवल सडकको दाउन्ने खण्ड लगायतका स्थानहरूमा राति ६ बजेदेखि बिहान ५ बजेसम्म यात्रा नगर्न सवारी चालक र यात्रुलाई विशेष अनुरोध गरिएको छ।
भारी वर्षासँगै पहिरो, सडक अवरुद्ध र आकस्मिक दुर्घटनाको सम्भावना उच्च भएकाले रातिको यात्रा जोखिमपूर्ण हुने विभागको चेतावनी छ।
सडक अवरुद्ध भएमा तुरुन्तै पहिरो हटाउने तयारी भइसकेको विभागले जनाएको छ। साथै, अबरुद्ध वा अन्य आपतकालीन जानकारीका लागि सडक विभागको कन्ट्रोल रुम (टोल–फ्री नम्बर ९८५१४१६८९३) वा नजिकैको सडक कार्यालय तथा जिल्ला प्रशासन कार्यालयमा सम्पर्क गर्न समेत अनुरोध गरिएको छ।
👉 यात्रु र चालकलाई विभागको सुझाव :
अनावश्यक यात्राबाट जोगिनुहोस्
अत्यावश्यक अवस्थामा मात्र दिनको समयमा यात्रा गर्नुहोस्
पहिरो सम्भावित स्थानमा उच्च सतर्कता अपनाउनुहोस्
आपत्कालीन अवस्थाको जानकारी तुरुन्त सम्बन्धित निकायलाई दिनुहोस्
🚨 सडक विभागले सर्वसाधारणलाई सचेत रहन र चार दिनसम्म अत्यधिक सतर्कता अपनाउन आग्रह गरेको छ।
-
Jigyasanepal
