काठमाडौं । नुवाकोटको शिवपुरीमा बुधवार भएको एअर डाइनेस्टीको हेलिकप्टर दुर्घटनामा ज्यान गुमाएका पाइलट क्याप्टेन अरुण मल्लको शव त्रिवि शिक्षण अस्पताल, महाराजगञ्जले परिवारलाई जिम्मा लगाएको छ।
हेलिकप्टर दुर्घटनामा ज्यान गुमाएका चार जना चिनियाँ नागरिकहरूको पहिचानका लागि आधार सङ्कलन गर्ने कार्य जारी छ। चिनियाँ नागरिकहरू जुताड ताङ, ताइ ली, यीयाम वु, र जेमिङ जीको शव पहिचानका लागि आवश्यक प्रक्रिया पूरा गर्ने कार्य त्रिवि शिक्षण अस्पतालको फोरेन्सिक विभागद्वारा अघि बढाइएको छ। विभागका प्रमुख डा. गोपालप्रसाद चौधरीका अनुसार, शवको पोस्टमार्टम कार्य भने सम्पन्न भइसकेको छ।
- Jigyasa media
