काठमाडौँ ।
नेपालमा पश्चिमी वायु र अरब सागरमा विकसित न्यून चापीय प्रणालीको प्रभावले आज देशभरको मौसम उल्लेखनीय रूपमा प्रभावित भएको छ। मौसम पूर्वानुमान महाशाखाका अनुसार आज देशका अधिकांश भागमा घाम देख्न मुस्किल हुने गरी आकाश साधारणतया बदली रहने सम्भावना छ।
हिमपात र वर्षाको पूर्वानुमान
मंगलबार दिउँसो गण्डकी, लुम्बिनी र कर्णाली प्रदेशका केही स्थानहरूमा मध्यम वर्षा वा हिमपात हुने सम्भावना रहेको महाशाखाले जनाएको छ।
त्यस्तै बाँकी प्रदेशका पहाडी र हिमाली भूभागका थोरै स्थानमा पनि हल्कादेखि मध्यम वर्षा हुन सक्ने र तराईका केही स्थानमा हल्का वर्षा पर्न सक्ने पूर्वानुमान गरिएको छ।
मौसमविद्हरूका अनुसार बागमती, गण्डकी र कर्णाली प्रदेशका उच्च पहाड र हिमाली भूभागमा भारी हिमपात वा वर्षाको सम्भावना समेत छ। यस्तो अवस्थाले ती क्षेत्रका बासिन्दा र यात्रुहरूलाई सर्तक रहन आग्रह गरिएको छ।
रातिको मौसम अवस्था
आज राति देशका अधिकांश भागमा पनि बदली रहनेछ। कोसी, बागमती, गण्डकी, लुम्बिनी र कर्णाली प्रदेश का पहाड तथा हिमाल क्षेत्रमा मध्यम वर्षा वा हिमपात हुन सक्ने महाशाखाले चेतावनी दिएको छ।
विशेषगरी गण्डकी र बागमतीका उच्च पहाड तथा हिमाल क्षेत्र मा भारी हिमपातको सम्भावना भएकाले त्यहाँका बासिन्दा, यात्रु र पर्यटकलाई सावधानी अपनाउन र अनावश्यक यात्रा नगर्न अनुरोध गरिएको छ।
मौसमको प्रभाव र सावधानी
हिमपात र वर्षाको यो चक्रले उच्च पहाडी यातायात, हवाई उडान र विद्युत् आपूर्तिमा असर पुर्याउने सम्भावना रहेको मौसमविद्हरू बताउँछन्।
त्यसैले जनतामा अत्यावश्यक काम बाहेक घरबाहिर ननिस्कन, चिसोबाट बच्न न्यानो कपडा प्रयोग गर्न र कृषकहरूले आफ्ना बाली र पशुधन सुरक्षित राख्न सल्लाह दिइएको छ।
-
Jigyasanepal
