झापा । झापाको कमल गाउँपालिका-४, अमलडाँगीमा गएराति भएको मोटरसाइकल दुर्घटनामा दुईजनाको मृत्यु भएको छ। पूर्व-पश्चिम राजमार्गमा तीव्र गतिमा चलाइएको को २७ प ३५१३ नम्बरको मोटरसाइकल अनियन्त्रित भई दुर्घटना हुँदा शिवसताक्षी नगरपालिका-८ निवासी ३३ वर्षीय अनिलकुमार लिम्बू र २० वर्षीय सोमराज लिम्बूको ज्यान गएको हो।
मोटरसाइकल केर्खाबाट दमकतर्फ जाँदै गर्दा दुर्घटना भएको थियो। गम्भीर घाइते भएका उनीहरूलाई तत्काल दमक अस्पताल पुर्याइए पनि उपचारकै क्रममा चिकित्सकले मृत घोषित गरेका थिए।
हाल मोटरसाइकल प्रहरीको नियन्त्रणमा रहेको छ र घटना सम्बन्धी थप अनुसन्धान भइरहेको जिल्ला प्रहरी कार्यालय झापाले जनाएको छ।
- Jigyasa media
