पोखरा, असोज ११ – इमेज सहकारीमा २ अर्ब रुपैयाँभन्दा बढीको घोटाला आरोप लागेका ढोरपाटन नगरपालिकाका मेयर देवकुमार नेपालीलाई भारतको दिल्लीबाट पक्राउ गरिएको छ। उनी लामो समयदेखि फरार थिए र उनीमाथि सहकारी रकमको दुरुपयोग तथा सार्वजनिक बचतको हिनामिना गरेको आरोप छ।
२०८० जेठमा इमेज सहकारीमा समस्याहरू देखा परेपछि बचतकर्तालाई रकम फिर्ता गर्ने वाचा गरेका देवकुमार एकाएक फरार भएका थिए। उनलाई पक्राउ गर्न नेपाल प्रहरीले रेड नोटिस जारी गरेको थियो, जसको आधारमा उनी भारतमा पक्राउ परेका हुन्।
देवकुमारले आफूले सहकारी रकम घरजग्गामा लगानी गरेको र त्यसलाई बेचेर फिर्ता गर्ने वाचा गरेका थिए, तर समयमै रकम फिर्ता नहुँदा सहकारी पीडितहरूले उनीविरुद्ध उजुरी दिएका थिए।
सहकारी पीडित संघर्ष समितिका अनुसार देवकुमारलाई नेपाल ल्याइएपछि उनीमाथिको कानुनी प्रक्रिया अघि बढ्नेछ। उनीसँग मिलेर फर्जी खाता बनाउने र सहकारीको रकम व्यक्तिगत स्वार्थमा प्रयोग गर्ने काम पनि उनीमाथि लागेको छ।
उनको पक्राउसँगै सहकारी पीडितहरूले केही राहतको आशा राखेका छन्।
- Jigyasa media
