रामेछाप— रामेछापको सुनारपानीमा बोलेरो गाडी दुर्घटना हुँदा एक जनाको मृत्यु भएको छ। जिल्ला प्रहरी कार्यालय रामेछापका अनुसार मन्थलीबाट सालु जाँदै गरेको बा १८ च १८३९ नम्बरको बोलेरो गाडी सुनारपानीमा दुर्घटनाग्रस्त हुँदा ६० वर्षीया पदममाया नेपालीको घटनास्थलमै मृत्यु भएको हो। पदममाया वडाका दलित महिला सदस्यसमेत थिइन्।
प्रहरीका अनुसार दुर्घटनामा २ जनाको अवस्था गम्भीर रहेको छ। गम्भीर घाइतेहरूमा चालक गुन कुमार थापामगर र दिलिपकुमार बरुवाल छन्। अन्य घाइतेहरूमा सिता नेपाली, सुजिता रसाईली, ५ महिनाकी बालिका रोनिसा नेपाली रहेका छन्। घाइतेहरूको उद्धार गरी मन्थली अस्पताल पठाइएको छ।
बोलेरो गाडी सडकबाट करिब २०० मिटर तल खसेको प्रहरीले जानकारी दिएको छ। दुर्घटनाको कारण बारे अनुसन्धान भइरहेको छ।
-
Jigyasanepal
