जनकपुरधाम । धनुषाको हँसपुर नगरपालिका–६, टिल्हीका २२ वर्षीय अरबिन्दकुमार मण्डलको करेन्ट लागेर मृत्यु भएको छ। सोमबार साँझ छिमेकीको पूजाको लागि जेनेरेटरको तार जोड्ने क्रममा ११ हजार भोल्टेजको तारमा स्पर्श हुँदा मण्डललाई करेन्ट लागेको हो।
प्रहरीका अनुसार, घटनापछि उनलाई तुरुन्तै उद्धार गरी प्रादेशिक अस्पताल जनकपुर पुर्याइयो, जहाँ चिकित्सकहरूले उनलाई मृत घोषित गरे।
मण्डलको शव अहिले पोस्टमार्टमका लागि प्रादेशिक अस्पतालमा राखिएको छ भने घटनाको थप अनुसन्धान भइरहेको जिल्ला प्रहरी कार्यालय धनुषाले जनाएको छ।
- Jigyasa media
