काभ्रेपलाञ्चोक । काभ्रेको प्रतिनिधि सभा निर्वाचन क्षेत्र नम्बर–२ को अन्तिम मतपरिणाम सार्वजनिक भएको छ। सार्वजनिक अन्तिम परिणामअनुसार राष्ट्रिय स्वतन्त्र पार्टी (घण्टी चुनाव चिन्ह) का उम्मेदवार बदन भण्डारी भारी मतान्तरका साथ विजयी भएका छन्।
भण्डारीले कुल ५३ हजार ३४४ मत प्राप्त गर्दै प्रतिनिधि सभा सदस्यमा निर्वाचित भएका हुन्। उनका निकटतम प्रतिद्वन्द्वी नेपाली कांग्रेस (रुख चुनाव चिन्ह) का उम्मेदवार मधु आचार्य ले १७ हजार ८६८ मत प्राप्त गरेका छन्।
त्यसैगरी नेकपा (एमाले) (सूर्य चुनाव चिन्ह) का उम्मेदवार अशोक ब्यञ्जु ले १३ हजार ९४० मत प्राप्त गरेका छन् भने तारा चुनाव चिन्ह लिएर चुनाव लडेकी बसुन्धारा हुमागाईं ले ८ हजार १०७ मत प्राप्त गरेकी छन्।
यस परिणामसँगै काभ्रे प्रतिनिधि सभा क्षेत्र नम्बर–२ मा राष्ट्रिय स्वतन्त्र पार्टीले उल्लेखनीय सफलता हासिल गरेको छ। बदन भण्डारीले प्रतिस्पर्धी उम्मेदवारहरूलाई ठूलो मतान्तरले पछि पार्दै स्पष्ट जित दर्ता गरेका हुन्।
काभ्रे जिल्लामा दुई वटा प्रतिनिधि सभा निर्वाचन क्षेत्र रहेका छन्। तीमध्ये क्षेत्र नम्बर–२ को परिणाम सार्वजनिक भएसँगै जिल्लाको राजनीतिक समीकरणमा नयाँ चर्चा सुरु भएको छ। बदन भण्डारीको जितलाई काभ्रेको राजनीतिक परिदृश्यमा महत्वपूर्ण परिवर्तनका रूपमा हेरिएको छ।
-
Jigyasanepal
