काठमान्डौ, ३१ भदौ: पूर्व पश्चिम राजमार्ग अन्तर्गत बाराको उनासी पुल नजिक भएको बस दुर्घटनामा एक जनाको मृत्यु भएको छ भने ४२ जना घाइते भएका छन्। बसको अगाडिको पट्टा भाँचिएर अनियन्त्रित भएको कारण बस पुलबाट ८ मिटर तल खस्न पुगेको थियो।
मृत्यु हुनेमा दाङको गडवा गाउँपालिका–५ का चेतन राय यादव रहेको प्रहरीले जनाएको छ। घाइतेहरू मध्ये ८ जनाको अवस्था गम्भीर रहेको छ भने अन्यको निजगढस्थित सामुदायिक प्रसूति गृह अस्पताल र सि।टी अस्पतालमा उपचार भइरहेको छ।
घटनाबारे इलाका प्रहरी कार्यालय निजगढका इन्सपेक्टर सुमित कुश्वाहाले प्रारम्भिक अनुसन्धानमा बसको अगाडिको पट्टा भाँचिएर दुर्घटना भएको बताउँदै थप अनुसन्धान भइरहेको जानकारी दिए।
- Jigyasa media
