काभ्रे, जेठ ३० — काभ्रेपलाञ्चोकको रोशी गाउँपालिका–६ स्थित बीपी राजमार्गको सेल्फीडाँडामा शुक्रबार भएको भीषण बस दुर्घटनामा ज्यान गुमाएका सबै ८ जनाको पहिचान खुलेको छ। बनेपाबाट रोशी गाउँपालिका–६ सुँगुरेतर्फ जाँदै गरेको बा ३ ख ८३९८ नम्बरको यात्रुबाहक बस दुर्घटनामा परेको थियो।
मृत्यु हुनेहरूको विवरण
मेघबहादुर तामाङ (७३) — रोशी गाउँपालिका–६, काभ्रे
फुलमाया तामाङ (३४) — रोशी गाउँपालिका–७, काभ्रे
इन्द्रबहादुर तामाङ (७५) — रोशी गाउँपालिका–६, काभ्रे
प्यारीमाया तामाङ (६०) — रोशी गाउँपालिका–८, काभ्रे
बमबहादुर भण्डारी (३०) — दैलेख, त्रिनेत्र दल गण भकुण्डेबेँसीमा कार्यरत नेपाली सेनाका अमल्दार
सुमि तामाङ (२२) — घ्याङलेक गाउँपालिका–४, सिन्धुली (उनका श्रीमान् निराजन घिसिङले सनाखत गरेका)
राजु तामाङ (५५) — रोशी गाउँपालिका–६, काभ्रे
माया तामाङ (६०) — रोशी गाउँपालिका–७, काभ्रे
घाइतेहरूको विवरण
दुर्घटनामा १६ जना घाइते भएका छन्। उनीहरूको धुलिखेल अस्पतालमा उपचार भइरहेको छ।
अनिशा तामाङ (२२), रोशी–८ — हात र खुट्टामा चोट, अवस्था मध्यम।
विष्णु डोल्मा तामाङ (२०), रोशी–६ — निधार, नाक र पेटमा चोट, अवस्था मध्यम।
धनबहादुर तामाङ (६०), रोशी–६ — टाउको र अनुहारमा चोट, अवस्था मध्यम।
चन्द्र तामाङ (३०), रोशी–६ — निधार, हात र खुट्टामा चोट, अवस्था मध्यम।
रमिता वाइबा (१८), रोशी–६ — अनुहार र देब्रे खुट्टामा चोट, अवस्था मध्यम।
मनब तामाङ (४०), रोशी–६ — टाउको, अनुहार र ढाडमा चोट, अवस्था मध्यम।
डम्बरबहादुर शाह (६०), रोशी–७ — टाउको, दाहिने हात र खुट्टामा गम्भीर चोट।
कृष्णबहादुर तामाङ (४३), रोशी–८ — टाउको, मुख र दाहिने कोखामा चोट, अवस्था मध्यम।
सुरेशबहादुर बादी (२५), बारबर्दिया–१२, बर्दिया — निधार र दाहिने खुट्टामा चोट, अवस्था मध्यम।
घोया सिंह तामाङ (३४), बनेपा–३ — दाहिने खुट्टा भाँचिएको, दाहिने हातमा चोट, अवस्था मध्यम (चालक)।
विष्णुमाया लामा (६२), रोशी–२ — टाउकोमा चोट, अवस्था मध्यम।
मनुराज तामाङ (४३), तेमाल–८ — टाउको, घाँटी र छातीमा चोट, अवस्था मध्यम।
सुबास तामाङ (४), रोशी–६ — देब्रे खुट्टामा चोट, अवस्था मध्यम।
उग्रेन लामा (१८ महिना), रोशी–६ — टाउकोमा चोट, अवस्था मध्यम।
सार्कीमान लामा (७७), रोशी–६ — टाउको र छातीमा चोट, अवस्था गम्भीर।
बिबिमाया तामाङ (२२), रोशी–६ — टाउको तथा शरीरका विभिन्न भागमा चोट, अवस्था गम्भीर।
प्रहरीका अनुसार दुर्घटनाको कारणबारे थप अनुसन्धान भइरहेको छ। स्थानीयवासीका अनुसार सेल्फीडाँडा–बुच्चाकोट क्षेत्र विगतदेखि नै दुर्घटनाको उच्च जोखिमयुक्त क्षेत्र मानिन्छ।
-
Jigyasanepal
