नवलपरासी, भदौ २२ । नवलपरासीको बर्दघाट नगरपालिका-१३, जमुनियामा शुक्रबार राति मोटरसाइकल र साइकल एक आपसमा ठोक्किँदा एक जनाको मृत्यु भएको छ।
लु ४प ७६९१ नम्बरको मोटरसाइकल नारायणचोकतर्फ जाँदै गर्दा विपरीत दिशाबाट आइरहेको साइकलसँग ठोक्किएको थियो। दुर्घटनामा घाइते भएका दुवै चालकलाई भैरहवास्थित मेडिकल कलेज लगिएको थियो।
उपचारको क्रममा साइकल यात्री, ४७ वर्षीय सुरेश चौधरीको आज बिहान मृत्यु भएको प्रहरीले जानकारी दिएको छ। चौधरी नवलपरासी, बर्दघाट नगरपालिका-१ नारायणचोकका बासिन्दा हुन् र हाल उनकाे शव मीम अस्पताल, भैरहवामा राखिएको छ।
दुर्घटनामा मोटरसाइकल चालक, नवलपरासीको प्रतापपुर गाउँपालिका-२ गोपीगंजका १७ वर्षीय किशोर गम्भीर घाइते भएका छन्। उनीमाथि थप उपचार भइरहेको बताइएको छ।
- Jigyasa media
