'घामका उपासक' लोकार्पण

काभ्रे - कवि सूर्यप्रसाद लाकोजूको लोकप्रिय कवितासङ्ग्रह *मेरो घाम* माथि लेखक तथा समालोचक भीमप्रसाद काफ्लेले लेखेको समालोचना कृति *घामका उपासक: सूर्यप्रसाद लाकोजू* लोकार्पण भएको छ।

उक्त कृतिको लोकार्पण वरिष्ठ साहित्यकार तुलसीप्रसाद भट्टराईले एक विशेष कार्यक्रममा गरेका हुन्। भट्टराईले कार्यक्रममा बोल्दै, लाकोजूको लेखनीको गहिराइ र उनीप्रति देखिएको साहित्यिक सम्मानकै कारण यो कृति प्रकाशनमा आएको धारणा राखे।

कवि सूर्यप्रसाद लाकोजूका *मेरो घाम* भित्रका कविताहरू हृदयस्पर्शी र प्रभावशाली भएकाले ती कविताहरूको गहन समालोचना आवश्यक रहेको भट्टराईले उल्लेख गरे। उनले भने, “कविताहरूले जसरी हृदयलाई छुन्छन्, त्यसको मूल्याङ्कन गर्नु सामान्य कुरा होइन।” 

समालोचक भीमप्रसाद काफ्लेले *मेरो घाम* को कविताहरूले आफूलाई गहिरो रूपमा प्रभावित गरेको भन्दै त्यसैको परिणामस्वरूप समालोचना कृति लेखिएको प्रतिक्रिया दिए। टिप्पणीकार तुयुकाजी ताम्राकारले यस कृतिलाई सुन्दर कविताहरूको व्याख्यात्मक समालोचना भएको भन्दै प्रशंसा गरे।

कार्यक्रममा कवि सूर्यप्रसाद लाकोजू, कवि विष्णु ओलीलगायतका व्यक्तित्वहरूले मन्तव्य राखेका थिए। 

*अक्षरमार्ग* प्रकाशनद्वारा प्रकाशित यस कृतिमा, लेखकले लाकोजूको व्यक्तित्व र कवित्वको विविध पक्षमाथि गहन प्रकाश पार्ने प्रयास गरेका छन्।

• Jigyasa media