बनेपा ।
कवि, गजलकार मुरहरि रायमाझीलाई शब्दयात्रा प्रकाशन काभ्रेले एक कार्यक्रमका बीच 'सुभाष खड्का अनुसन्धान विद्वतवृत्ति २०८२' सहित सम्मानित गरेको छ । समाजसेवी शिक्षासेवी चन्द्रबहादुर खड्काको कृति र जीवनमाथि कवितामा समिक्षा लेखका कारण रायमाझीलाई विद्वतवृत्ति दिइएको शब्दयात्रा प्रकाशनका अध्यक्ष हरि मञ्जुश्रीले बताए ।
बनेपा निवासी कवि रायमाझीको २०८२ मा 'गाउँ बिरानो भयो' कवितासङ्ग्रहसहित चार थान पुस्तक प्रकाशित छ । पछिल्लो समय छन्द कवितामा नै समिक्षा, जीवनी, समालोचना लेखिरहेका रायमाझी गजल र छन्द कविता लेखनमा लोकप्रिय स्रष्टा मानिन्छन् ।
-
Jigyasanepal
