काठमाडौं । हुम्लाको सर्केगाड गाउँपालिकाका उपाध्यक्ष चन्द्रसिंह कार्की (मुक्ति)को सोमबार गाडी दुर्घटनामा घाइते भएपछि उपचारको क्रममा निधन भएको छ। सुर्खेतबाट बाँकेको नेपालगञ्ज जाँदै गर्दा उनी सवार कर्णाली प्रदेश ०२००१ ख १०११ नम्बरको गाडी सुर्खेतको भेरीगंगा नगरपालिका वडा नम्बर–५ मा दुर्घटना भएको थियो।
घाइते अवस्थामा उनलाई नेपालगञ्ज लगिएको थियो, जहाँ आज बिहान करिब २ बजेतिर उपचारका क्रममा उनको मृत्यु भएको प्रहरीले जनाएको छ।
चन्द्रसिंह कार्की नेकपा माओवादी केन्द्रको तर्फबाट हुम्लाको सर्केगाड गाउँपालिकाको उपाध्यक्ष निर्वाचित भएका थिए। साथै, उनी कर्णाली प्रदेश सभा सदस्य जुम्कित लामा कार्कीका श्रीमान् हुन्।
- Jigyasa media
