काठमाडौँ।
स्थानीय बजारमा मंगलबार सुनको मूल्य भारी अंकले उकालो लागेको छ। एकैदिन तोलामा ५ हजार २०० रुपैयाँले वृद्धि भएपछि बजारमा सुनको कारोबार इतिहासकै उच्च स्तरतिर पुगेको छ।
नेपाल सुनचाँदी व्यवसायी महासंघका अनुसार आज छापावाल सुनको मूल्य प्रतितोला २ लाख ४७ हजार ९ सय रुपैयाँ निर्धारण गरिएको छ।
अघिल्लो दिन छापावाल सुन २ लाख ४२ हजार ७ सय रुपैयाँमा कारोबार भएको थियो, जसले बजारमा छोटो अवधिमै ठूलो उतार–चढाव देखिएको छ।
सुनसँगै चाँदीको मूल्य पनि उकालो लागेको छ। मंगलबार चाँदी ८५ रुपैयाँले बढ्दै प्रतितोला ३ हजार २०० रुपैयाँमा पुगेको महासंघले जनाएको छ।
बिक्री–वितरण तथा लगानीतर्फ आकस्मिक चहलपहल बढ्दै गएको भन्दै सुनचाँदी व्यवसायीहरू आगामी दिनमा पनि मूल्यमा परिवर्तन भइरहने अनुमान गरिरहेका छन्।
-
Jigyasanepal
