काठमाडौं ।
काठमाडौंमा बिहीबार सुन-चाँदीको मूल्य घट्दै गएको छ। नेपाल सुन-चाँदी व्यवसायी महासंघका अनुसार आज छापावाल सुन प्रतितोला २ हजार २०० रुपैयाँ घटेर १ लाख ६० हजार रुपैयाँमा पुगेको छ। बुधबार यसै सुनको मूल्य प्रतितोला १ लाख ६२ हजार २०० रुपैयाँ थियो। यो सातामा सुनको मूल्यमा निरन्तर गिरावट देखिएको छ।
यस्तै, चाँदीको मूल्य पनि घटेर प्रतितोला १ हजार ९०५ रुपैयाँ कायम भएको छ, जुन अघिल्लो दिन १ हजार ९४० रुपैयाँ थियो। महासंघका अनुसार, हाल स्थानीय बजारमा सुन-चाँदीको मूल्य घटबढ भइरहँदा उपभोक्ताले सतर्क रहनुपर्ने आवश्यकता
छ।
- Jigyasa media
