गजल :- 🖋️
✍🏼भरत सापकोटा
आफैंले सम्झाएको छु,आफैंलाई सम्हाल्दै आएको छु ।
पटकपटक यो मन च्यातिरहन्छ,म टाल्दै आएको छु ।
सोंचेजस्तो जिन्दगी त सायद कसैको पनि नहोला यहाँ
समयले जे दिएको छ म त्यसैलाई अँगाल्दै आएको छु ।
जिन्दगी मैनबत्ती हुँदा यो समय हावा बनिदिने रहेछ
धेरैपटक निभेको छु फेरि आँफैलाई बाल्दै आएको छु ।
हिँड्न सुरु नै गरिएन भने ,गन्तव्यमा पुगिँदैन थाहा छ
र त रोकिएको छैन,यी पाइलाहरु चाल्दै आएको छु ।
२०८२ /०१/१६,धुलिखेल ।
-
Jigyasanepal
