काठमाडौं । साफ यू-२० च्याम्पियनसिप फुटबल प्रतियोगिता आजदेखि सुरु हुँदैछ। प्रतियोगिताको उद्घाटन खेलमा घरेलु टोली नेपालले श्रीलंकासँग प्रतिस्पर्धा गर्नेछ।
समूह ए मा रहेका नेपाल र श्रीलंकाबीचको खेल सातदोबाटोस्थित एन्फा कम्प्लेक्समा दिउँसो ३ बजे सुरु हुनेछ।
यस प्रतियोगितामा दक्षिण एसियाका ६ टोलीको सहभागिता रहेको छ। समूह ए मा नेपाल र श्रीलंकासहित बंगलादेश समावेश छन् भने समूह बी मा साविक विजेता भारत, भुटान, र माल्दिभ्स रहेका छन्। दुवै समूहको शीर्ष दुई टोली सेमिफाइनलमा प्रवेश गर्नेछन्।
- Jigyasa media
