काठमाडौं – नेपाली फुटबलमा ऐतिहासिक क्षण! नेपालले सिंगापुरलाई उसकै घरेलु मैदानमा पराजित गर्दै ३६ वर्षपछि पहिलो जित दर्ता गरेको छ।
शुक्रबार सिंगापुरको नेसनल स्टेडियममा भएको मैत्रीपूर्ण खेलमा नेपालले १-० को रोमाञ्चक जित हात पार्यो। नेपालका लागि निर्णायक गोल जिलेस्पी जंग कार्कीले गरे। खेलको १२औं मिनेटमा मनिष डाँगीको उत्कृष्ट असिस्टमा कार्कीले गोल गर्दै नेपाललाई अग्रता दिलाए।
यो जितसँगै नेपालले ३६ वर्षको लामो पर्खाइ तोडेको छ। पछिल्लो पटक सन् १९८९ मा नेपालले सिंगापुरविरुद्ध खेलेको विश्वकप छनोट खेलमा दुबै लेगमा ३-० र ५-० को हार बेहोरेको थियो।
यस ऐतिहासिक जितले नेपाली फुटबलमा नयाँ आत्मविश्वास भरेको छ।
- Jigyasa media
