काभ्रे । लोकप्रिय कथावाचक देवी प्रतिभालाई गृहनगर मण्डनदेउपुरमा सम्मान र अभिनन्दन गरिएको छ।
आइतबार नगरप्रमुख टोकबहादुर वाइवा र उपप्रमुख विष्णुमणि नेपालले उनलाई नगरपालिकाको सभाहलमा स्वागत र सम्मान गरेका हुन्। सम्मान ग्रहण गर्दै देवी प्रतिभाले आफ्नो संस्कार र गृहनगरलाई कहिल्यै नभुल्ने बताइन्।
नगरप्रमुख वाइवाले प्रतिभालाई नगर र देशकै गौरव बताउँदै उनको आगामी सफलताको कामना गरे। उपप्रमुख नेपालले पनि प्रतिभालाई राष्ट्रको गौरव भन्दै नगरपालिकाले यस्ता व्यक्तित्वहरूको कदर गर्ने बताए।
यसअघि शनिबार काभ्रे सेवा समाज र पनौती नगरपालिकाले पनि उनलाई स्वागत र सम्मान गरेका थिए।
देवी प्रतिभा, जसले भारतको वृन्दावनमा अध्ययन गरेकी छिन्, हाल नेपालमा कोटीहोम महायज्ञका लागि आएकी हुन्। कार्यक्रमको अवसरमा उनलाई गृहनगरमा सम्मान गरिएको हो।
- Jigyasa media
