रुकुम पश्चिम । आफ्नै श्रीमतीको घाटी रेटेर हत्या गरी रुकुम पूर्वमा श्रीमान फरार भएका छन्। जिल्ला प्रहरी कार्यालय रुकुम पूर्वका सूचना अधिकारी प्रहरी निरीक्षक हरि भट्टराईका अनुसार जिल्लाको भूमे गाउँपालिका वडा नम्बर ६ तमारीका २७ वर्षका दामे भनिने जीवन ओलीले आफ्नै श्रीमती २५ वर्षकी अप्सरा ओलीलाई खुकुरीले घाटी रेटेर हत्या गरेर फरार रहेको जानकारी दिएका छन् ।
ओलिले श्रीमतीको हत्या पछि आफ्नो पाँच वर्षिय छोरा आयुस ओलीलाई आफु सँगै लिएर फरार भएको बताइन्छ । उनले शुक्रबार राति श्रीमतीको घाटी रेटेर हत्या गरी घरदेखि सय मिटरको दुरीमा रहेको खोल्सामा फालिएको अवस्थामा शव फेला परेको प्रहरीको भनाई छ ।
घटनाबारे प्रहरीले श्रीमतीको हत्यामा संग्लग्न भनिएका ओलि लाई खोजिरहेको र थप अनुसन्धान प्रक्रिया अगाडी बढाईएको जिल्ला प्रहरी कार्यालय रुकुम पुर्वले जनाएको छ ।
- Reporter
