काठमाडौं । आज शनिबार कोशी, कर्णाली, र सुदूरपश्चिम प्रदेशका पहाडी भूभागमा आंशिक बदली रहने छ भने अन्य स्थानहरूमा मौसम मुख्यतया सफा रहने अपेक्षा गरिएको छ।
मौसम पूर्वानुमान महाशाखाका अनुसार आज राति सुदूरपश्चिम, कर्णाली, लुम्बिनी, र गण्डकी प्रदेशमा सामान्यतया बदली हुनेछ। अन्य भूभागमा भने आंशिक बदलीदेखि मुख्यतया सफा मौसम रहनेछ।
कर्णाली र सुदूरपश्चिम प्रदेशका केही स्थानमा हल्का वर्षा हुने सम्भावना रहेको छ। साथै, गण्डकी, कर्णाली, र सुदूरपश्चिम प्रदेशका उच्च पहाडी तथा हिमाली भूभागमा हल्का हिमपातको सम्भावना रहेको महाशाखाले जानकारी दिएको छ।
देशका विभिन्न भागमा बदलिँदो मौसमले जनजीवनमा केही प्रभाव पार्न सक्ने भएकाले आवश्यक सतर्कता अपनाउन अनुरोध गरिएको छ।
- Jigyasa media
