काठमाडौं । दाङको घोराही उपमहानगरपालिका–६ गुरुवागाउँमा सर्पले डस्दा एक बालिकाको मृत्यु भएको छ भने उनकी आमाको अवस्था गम्भीर छ।
प्रहरी प्रवक्ता रामप्रसाद तिमिल्सिनाका अनुसार, गएराति सर्पले डस्दा ६ वर्षीया इन्दु चौधरीको मृत्यु भएको हो। सर्पले डसेपछि उनलाई झारफुकमा लगेर उपचार गर्ने प्रयास गर्दा मृत्यु भएको बताइएको छ।
इन्दुकी आमा २५ वर्षीया आश्मा चौधरीलाई पनि सर्पले डसेको थियो, र उनको अवस्था गम्भीर छ। हाल उनको उपचार राप्ती स्वास्थ्य विज्ञान प्रतिष्ठानमा भइरहेको छ।
- Jigyasa media
