काठमाडौं, माघ २: काठमाडौं जिल्ला अदालतले पूर्वगृहमन्त्री तथा राष्ट्रिय स्वतन्त्र पार्टीका सभापति रवि लामिछानेलाई ६० लाख रुपैयाँ धरौटीमा रिहा गर्न आदेश दिएको छ।
स्वर्णलक्ष्मी सहकारी ठगी मुद्दासम्बन्धी थुनछेक बहसपछि न्यायाधीश माधवप्रसाद अधिकारीको इजलासले लामिछानेलाई धरौटीमा रिहा गर्न आदेश जारी गरेको हो।
धरौटी बुझाउने तयारी
अदालतको आदेशपछि लामिछाने पक्षले धरौटी बुझाउन प्रक्रिया अघि बढाइसकेको छ।
सहकारी ठगी प्रकरणमा निरन्तर कानूनी जटिलता
रवि लामिछाने यसअघि कास्की जिल्ला अदालतबाट सूर्यदर्शन सहकारी ठगी प्रकरणमा ६५ लाख रुपैयाँ धरौटी बुझाएर छुटेका थिए। उक्त प्रकरणमा उनी ८४ दिन हिरासतमा रहेका थिए।
नयाँ आदेशसँगै लामिछानेका कानूनी चुनौती केही हल भए पनि सहकारी ठगी प्रकरणले अझै विवाद उत्पन्न गरिरहेको छ।
- Jigyasa media
