काठमाडौं – प्रधानमन्त्री दैवी प्रकोप उद्धार कोषमा १ अर्ब ८१ करोड ७१ लाख रुपैयाँभन्दा बढी रकम जम्मा भएको छ। यो विवरण कात्तिक ४ गतेसम्मको रहेको छ, जसलाई प्रधानमन्त्री तथा मन्त्रिपरिषद् कार्यालयले सार्वजनिक गरेको हो।
कोषमा विभिन्न संघ संस्था, निकाय, कम्पनीहरू तथा व्यक्तिगत रूपमा सहयोग रकम संकलन गरिएको छ। सरकारले असोज ११ र १२ गतेको अविरल वर्षापछि आएको बाढीपहिरोबाट प्रभावित क्षेत्रहरूमा राहत र पुनःस्थापनाको लागि यो रकम प्रयोग गरिरहेको छ।
राहत कार्यलाई सहज बनाउन सरकारले अति प्रभावित र प्रभावित क्षेत्रहरूको घोषणा समेत गरेको छ।
- Jigyasa media
