काभ्रेपलाञ्चोक, १३ साउन - नाङ्गो आवस्थामा एक महिलाको शव भेट्टिएको छ । तेमाल गाउँपालिका वडा नम्बर ८, पानथलीस्थित रोशी खोलाको बगरमा शनिबार साँझ ७ बजे अन्दाजी ४०/४१ वर्षकी महिलाको शव फेला परेको छ। मृतकको शरीरमा कपडा नभएको अवस्थामा फेला परेको शवको पहिचान काभ्रे रोशी गाउँपालिका वडा नम्बर ९, चिउरीबाँस निवासी छत्र ब. लामाको श्रीमती आरति लामाको रूपमा भएको बताइएको छ । आरति लामा अन्दाजी ४०/४२ वर्षकी थिइन्।
घटनास्थलमा खबर प्राप्त हुनासाथ प्रहरी टोली खटिएको थियो र हाल घटनाको अनुसन्धान कार्य जारी रहेको प्रहरीले जनाएको छ।
यस सम्बन्धी थप जानकारीका लागि हाम्रो वेबसाइट 'जिज्ञासा नेपाल'मा रहनुहोस्।
- Jigyasa media
