सर्लाही, १७ भदौ – सर्लाही जिल्लामा नक्कली नोट बनाउन प्रयोग गरिने सामग्रीसहित आठ जनालाई प्रहरीले पक्राउ गरेको छ।
प्रहरीको विज्ञप्ति अनुसार, सर्लाहीको गोडैता नगरपालिका–१२, मधुवनी गाउँमा रहेको सिचाईको लागि निर्माण गरिएको खाली घरमा नक्कली नोट बनाउने गतिविधि भइरहेको सूचना प्राप्त भएपछि, इलाका प्रहरी कार्यालय गडहिया डुमरिया र प्रहरी चौकी मधुवनी गाउँका साथै सशस्त्र प्रहरी बल (BOP) मधुवनीको संयुक्त टोलीले छापा मारेको थियो।
१५ भदौ २०८१ साँझ ६ बजे छापा मारेर प्रहरीले नक्कली नोट बनाउने सामग्री सहित निम्न व्यक्तिहरूलाई नियन्त्रणमा लिएको छ ।
1. सौगात थापा मगर (२६ वर्ष) - चन्द्रागिरी, काठमाण्डौ।
2. बिजय लामा (४७ वर्ष) - चन्द्रागिरी, काठमाण्डौ।
3. जनार्धन सिंह (३२ वर्ष) - गोडैता, सर्लाही।
4. राजिव ठाकुर (४९ वर्ष) - सितामढी, भारत।
5. सुबोध कुमार (४० वर्ष) - मेयरगन्ज, भारत।
6. विशाल राई (३७ वर्ष) - चन्द्रपुर, रौतहट।
7. अन्य व्यक्तिहरू (नाम र विवरण सार्वजनिक हुन बाँकी)।
पक्राउ परेका सबै व्यक्तिहरूमाथि सर्लाही जिल्ला अदालतबाट दस दिनको म्याद थप गरी अनुसन्धान अघि बढाइएको छ। प्रहरीले नक्कली नोट बनाउने क्रममा प्रयोग हुने कागज, केमिकल, र अन्य उपकरणहरू समेत बरामद गरेको छ।
- Jigyasa media
