काठमाडौ।
बुधबार देशभरको मौसम मिश्रित रहने देखिएको छ। देशको पहाडी भूभागमा आंशिकदेखि साधारणतया बदली रहनेछ भने बाँकी भूभागमा आंशिक बदलीदेखि मुख्यतया सफा मौसमको अनुभव हुनेछ।
मौसम पूर्वानुमान महाशाखाका अनुसार, पहाडी क्षेत्रका थोरै स्थानहरूमा मेघ गर्जन/चट्याङसहित हल्कादेखि मध्यम वर्षा हुनसक्छ। लुम्बिनी र सुदूरपश्चिम प्रदेशका तराई क्षेत्रमा केही स्थानहरूमा हावाहुरीको सम्भावना रहेको छ।
रातिको समय, कोशी, बाग्मती, र सुदूरपश्चिम प्रदेशका पहाडी क्षेत्रमा आंशिकदेखि साधारणतया बदली रहनेछ। कोशी र बाग्मती प्रदेशका केही स्थानमा हल्का वर्षा हुने सम्भावना रहेको छ भने देशका अन्य भागमा आंशिक बदलीदेखि मुख्यतया सफा मौसम रहनेछ।
- Jigyasa media
