काभ्रे ।  काभ्रे जिल्लाको तेमाल गाउँपालिका–१ निवासी सक्रिय पत्रकार लालध्वज तामाङ कठिन परिस्थितिबाट गुज्रिरहेका छन्। उहाँकी छोरी सखी तामाङ, जसको उमेर मात्र ६ वर्षको छ, जन्मजात अक्सिजनको कमीका कारण मस्तिष्क पक्षघात (Cerebral Palsy) बाट पीडित छिन्।

सखीको टाउको नबढ्ने, गर्दन अठ्याउन नसक्ने, बोल्न नसक्ने र उभिन नसक्ने समस्या भएको उनका पिता तामाङले बताएका छन्। उनले भने,

> “छोरीको नियमित उपचार भइरहे पनि डाक्टरहरूले आजीवन उपचार गर्नुपर्ने बताएका छन्। अहिले थप उपचारका लागि भारतको दिल्लीस्थित अस्पताल लैजानुपर्ने अवस्था आएको छ, तर मेरो आर्थिक स्थिति कमजोर भएकाले यो खर्च धान्न सक्ने अवस्था छैन।”

छोरीको उपचारका लागि आवश्यक रकम जुटाउन नसकेपछि पत्रकार तामाङले देश–विदेशमा रहनुभएका सहयोगी मनका दाजुभाइ तथा दिदीबहिनीहरूमा आर्थिक सहयोगको अपिल गर्नुभएको छ। उहाँले आफ्नो e-Sewa QR कोडमार्फत सहयोग पठाई सखी तामाङको उपचारमा सघाइदिन आग्रह गर्नुभएको छ।

लामो समयदेखि काभ्रेली पत्रकारिता क्षेत्रमा सक्रिय रहँदै आएका तामाङ अहिले आफ्नो  छोरी नानीको जीवनका लागि हरेक सम्भावनामा ढोका ढकढकाइरहेका छन्।

उहाँको अपिल हो  > “मेरो छोरीलाई बचाउन तपाईंहरूको सानो सहयोगले ठूलो जीवन फर्काउन सक्छ।”

 सखी तामाङको उपचारका लागि इच्छुक व्यक्तिहरूले पत्रकार लालध्वज तामाङको नाममा रहेको e-Sewa QR मार्फत सहयोग गर्न सक्नुहुन्छ।

“सानो सहयोगले एक निर्दोष जीवनको उज्यालो फर्काउन सक्छ।” 🌸

• Jigyasanepal