काठमाडौं – उत्पादनमूलक क्षेत्रमा कार्य गर्न इच्छुक नेपालीहरूको दोस्रो चरणको कोरियन भाषा परीक्षामा ८ हजारभन्दा बढीले सफलता प्राप्त गरेका छन्। नेपालस्थित ईपीएस कोरिया शाखाले शुक्रबार प्रकाशित गरेको नतिजा अनुसार ८ हजार १५१ जना परीक्षार्थी उत्तीर्ण भएका हुन्।
यो चरणमा ८ हजार ९३२ जनाले सिप परीक्षण दिएका थिए, जसमध्ये ७८१ जना भने अनुत्तीर्ण भएका छन्। कोरियाको एचआरडी सर्भिसले भदौ १८ देखि २५ गतेसम्म सिप परीक्षण सञ्चालन गरेको थियो।
कोरियामा रोजगारीका लागि ईपीएसमार्फत भाषा परीक्षामा उत्तीर्ण भएपछि सिप परीक्षण पनि पास गर्नु अनिवार्य हुन्छ। सिप परीक्षामा सफल भएका व्यक्तिहरूले अब स्वास्थ्य परीक्षण तथा आवश्यक तालिम पूरा गर्नुपर्नेछ।
यस प्रक्रियापछि योग्य उम्मेदवारहरूले कोरियामा रोजगारीका अवसर पाउन सक्नेछन्।
- Jigyasa media
