काभ्रे । प्रधानमन्त्री केपी शर्मा ओलीले काभ्रेको धुलिखेलस्थित काठमाडौं विश्वविद्यालयले नेपालमा पहिलो पटक ल्याएको ‘हाइड्रोजन कार’ र रिफ्युलिङ प्रणालीको शुभारम्भ गरेका छन्। यो ऐतिहासिक पहल विश्वविद्यालयको २९औं दीक्षान्त समारोहअगाडि सम्पन्न भएको हो।
यो हाइड्रोजन कार दक्षिण कोरियाको हुण्डाइ कम्पनीमा निर्मित हो। नेपाल आयल निगमको सहयोगमा ३३ हजार अमेरिकी डलरमा खरिद गरिएको यो कार काठमाडौं विश्वविद्यालयले नेपालमा ल्याएको छ।
प्रधानमन्त्री ओलीले हाइड्रोजन कारको महत्वबारे संक्षिप्त प्रतिक्रिया दिँदै भने, "हाइड्रोजनको प्रयोगबाट कार्बन उत्सर्जनमा कमी आउनेछ, जसले प्रदूषण घटाउन ठूलो योगदान पुर्याउनेछ।"
- Jigyasa media
