काठमाडौं: उपप्रधानमन्त्री एवं अर्थमन्त्री विष्णुप्रसाद पौडेल गए राति चीनको औपचारिक भ्रमणका लागि प्रस्थान गरेका छन्। चीनका उपप्रधानमन्त्री हि लिफङको औपचारिक निमन्त्रणामा उनी चीन लागेका हुन्।
आगामी दिनहरूमा उनी बेइजिङमा आयोजना हुने ‘ग्लोबल सस्टेनबल ट्रान्सपोर्ट फोरम’ मा सहभागी हुनेछन्, जहाँ उनले नेपालको दृष्टिकोण प्रस्तुत गर्दै सम्बोधन गर्ने कार्यक्रम रहेको छ। यस भ्रमणका क्रममा नेपाल र चीनबीच आपसी सहयोगका विषयमा छलफल हुन सक्ने आँकलन गरिएको छ।
पौडेलले यो भ्रमणको क्रममा चीन सरकारका विभिन्न उच्च अधिकारीहरूसँग भेटवार्ता गर्ने सम्भावना छ। ग्लोबल सस्टेनबल ट्रान्सपोर्ट इन्नोभेसन एण्ड नलेज सेन्टरद्वारा आयोजना गरिएको यो फोरम दिगो यातायातको विकासमा नयाँ दृष्टिकोण प्रस्तुत गर्न आयोजित हो। अर्थमन्त्री पौडेल आगामी शनिबार स्वदेश फर्किनेछन्।
- Jigyasa media
