काठमाडौं । अमेरिका पठाइदिने प्रलोभन देखाएर ठगी गर्ने अर्घाखाँचीकी लक्ष्मी माझी पक्राउ परेकी छन्। पाणिनि गाउँपालिका-७, दुविचौरकी २१ वर्षीया माझीले अमेरिकामा मासिक २ लाख रुपैयाँ तलब हुने र सजिलो काम पाइने भन्दै ५४ लाख ७ हजार ८७० रुपैयाँ ठगी गरी फरार भएकी थिइन्।
काठमाडौं उपत्यका अपराध अनुसन्धान कार्यालयको टोलीले उनलाई काठमाडौंको तारकेश्वरबाट पक्राउ गरेको हो। कार्यालयका सूचना अधिकारी तथा प्रहरी उपरीक्षक काजी कुमार आचार्यका अनुसार उनलाई थप अनुसन्धान र कारबाहीका लागि जिल्ला प्रहरी परिसर भद्रकाली, काठमाडौं पठाइएको छ।
- Jigyasa media
